XX. mendeko Euskararen Corpus estatistikoa
Testuingurua
Joseba Agirre:A. PEREZ DE KARKAMO / BERGONDA
Bere bizitza osoan euli bati iseka ere ez diola egin ematen du.
Arranbera eskuan duen ume batek bezalako irribarre zabala du aurpegian.
Hamalau urteko neska askok desiatuko luketeen gerria.
Gezurra badirudi ere, aingerutxo aurpegidun bilbotar honek, traje zuria eta gerriko beltza jantzi eta den kirolik gogorrenetariko baten urrezko liburuan bere izena letra handiz idaztea lortu du.
Gure artean oraintsu ezaguna egin bada arte martzial hau, Josebaren aitak aspaldi praktikatzen zuen.
Aitaren eskutik ezagutu zuen
Txikitatik, beraz, jardun du; hasieran denborapasa bezala, baina laster batean konpetizioan, lehenengo sariak irabaziz.
Orain bere familiak arazo larria dauka.
Izan ere, latza gertatzen zaie bai Josebak bai bere lehengusu den Borjak etxera dakartzaten domina eta trofeoak gordetzeko lekurik topatzea.
Hala ere, arazo honek ez du batere arduratzen Joseba, eta beste ideia bati bueltaka ari da.
Bere ametsa Atenasen dago, bere egunekoa Euskal Herrian.
Konpetizio, txapelketa eta topaketa artean oso denbora gutxi dauka Josebak atseden hartzeko.
Baina
Konpetizioa, familia, lagunak eta ikasketak batera eramatea zaila gertatzen zaio.
Baina txapeldun handi bat izateko zorroztasuna derrigorrezkoa da.
Josebak badaki hori, eta horrexegatik dago uneoro bere entrenatzaile den Arturo Magdalenoren esanetara.
Hori bai,
Federazioan entzuten badute...
SOSLAIAMundu osoko zientzilari eta ikerlarien ikasgai izan daiteke hamazazpi urteko gizon txiki hau.
Batzuek diotenez, Julen Guerrero lesionatu zeneko hartan galdu zuen une batez bere irribarrea, baina ez da lortu horren froga fidagarririk.
Eta mundu anker honetan halako gizaki bat topatzea nekeza bada, espezie bereko neska baten alboan ikusi omen dute paseatzen.
Zuriñe da bere bizioetako bat.
Besteak, euskal rock erradikala eta patata frijituak, ahal izanez gero udaldiko herria duen Bergondakoak.
Ai, zein goxoa den Arabako patata!